رسائل حب صباحية باللهجة الجزائرية للحبيب البعيد ستجعله يطير من السعادة
من أجمل ما في هذه الحياة: الحب ،عندما يكون متبادلا بين الطرفين، فالرجل يحب المرأة و يدللها، و المرأة تعشق شريكها و تحترمه، و من أكثر ما يحافظ على متانة العلاقة بين الحبيبين و استقرارها هو الاهتمام المتبادل بين الطرفين ،فالرجل يسأل عن حبيبته و يطمئن عليها عبر رسائل حب واشتياق ، و المرأة كذلك، و إن أخطأ معها يرسل لها رسالة اعتذار ليراضي حبيبته، و يحل الخلاف الموجود بينهما.
خاصة إن كان الحبيب يعمل في مكان بعيد، أو كان مسافرا، فعندما يرى رسائل حب صباحية أرسلت له من طرف زوجته أو حبيبته، فإن معنوياته ستصل عنان السماء ،و الفرحة ستبرق في عينيه، و ستزيده اشتياقا و تعلقا بشريكه أكثر فأكثر.
و لهذا الغرض حضرنا لك في هذه المقالة مجموعة رسائل حب صباحية باللهجة الجزائرية للحبيب البعيد ستجعله يطير من السعادة ،و ستنسيه كل همومه و تجعله يتلهف للحديث معك و الالتقاء معك بلهفة و شوق كبيرين.
رسالة حب صباحية باللهجة الجزائرية رقم 01 :
صباح الخير عمري، حبيبي، عشقي و حلالي، صباح الخير مومو العين ،واش دير ،نتمنى تكون بألف خير ،بعثتلك هاذ الميساج باه نفكرك بلي نتا كلشي بالنسبة ليا، دنيتي ،و فرحتي، و نتا اللي بغيتك تكون ليا وحدي، وحدة متشاركني فيك، و انت اللي باغية نكمل حياتي معاه، يا أجمل حاجة صرات في حياتي، نموت في حنانتك، و حلاوتك، ضحتك، هدرتك، عسولي نعشق في كل حاجة متعلقة بيك، وربي يحفظلك ليا يا غالي و ميحرمنيش منك، من مجموعة رسائل حب صباحية للحبيب.
رسالة حب صباحية باللهجة الجزائرية رقم 02 :
صباح الخير راجلي العزيز، عمري، عشقي ،و حلالي، و حبيبي اللي نعشق فيه، و منجمش نعيش لحظة بلا بيه، نحبك، نحبك، نحبك يا قطعة من قلبي، و جزء لا يتجزأ من كياني، حياتي بلا بيك ميزار، و القلب يتقطع من شوقي ليك، و احتياجي لحنانك و حبك، راني تع الصح محتاجاتك و محتاجة لحنانتك اللي تعطيني الطاقة و الأمل باه نكمل في هاذ الحياة، و دير في بالك مليح مليح، مهما تبدلو لحوال ،و مهما تبدلو عليك ڨاع الناس، نبقى غير أنا اللي منتخلاش عليك، و راح نبقى سند ليم، لآخر يوم في حياتي، من تشكيلة رسائل حب صباحية.
رسالة حب صباحية باللهجة الجزائرية رقم 03 :
راني حاباتك كي تنوض و تفتح عيونك تلقا أول ميساج صباحي من عندي أنا، باه نقولك بلي راك أجمل نعمة في حياتي، و أفضل عطية في حياتي كاملة، محال نلقا كيفك، و محال ننساك و لا نخمم نبدلك و لا نستغنى عليك، نتا الهواء اللي نتنفسو، و الضوء اللس تشوف بيه عيني، نتمنى ربي يجمعنا مع بعض في أقرب وقت، و نلمو شملنا تحت سقف واحد، و نتهناو من نار الفراق ،و جمرة البعد و الشوق، من مجموعة رسائل حب قوية للحبيب.
رسالة حب صباحية باللهجة الجزائرية رقم 04 :
صباح الخير عمري، توحشتك بزاف ،ايا نوض يا الفنيان تاعي منيش قادرة نصبر بلا بيك، نتمنى تكون مليح، و تكون رقدت مليح البارح، متقدرش تتخيل شحال راني متوحشاتك، اذا مزالك راقد عاودلي كي تفطن راني حابة نسمع صوتك مع الصباح، باه يكمل النهار تعي شباب و غاية ، نحبك عمري، من تجميعة رسائل حب صباحية للحبيبة.
رسالة حب صباحية باللهجة الجزائرية رقم 05 :
صباح الخير يا وجه الخير علي، نهارك مبروك يا أغلى الغوالي، و أعز سند لي في الدنيا بعد أبويا، طمني عليك واش أحوالك، و واش أخبارك ،رقدت مليح البارح و لا نن ،البارح أنا مرقدتش بايتة نخمم فيك و في تفاصيلك، ضحكتك، لبستك، تبسيمتك، عقليتك، كل حاجة فيك تذوبني ،انتهلالي في روحك بزااااااف، و أول ما تفتح عينيك عيطلي، راني نستنا لاپال تعك على أحر من جمر.
رسالة حب صباحية باللهجة الجزائرية رقم 06 :
صباح الخير يا اللي عليك نغير، صباح العسل للعسل، صباح التفاح لحبيبي المرتاح، صباح الورد يا ساكن قلبي، صباح الياسمين يا اللي تحلا بشوفتو العين، كيفك حبيبي، نتمنى تكون مليح و مورالك مريڨل، حبيت نكون أنا أول وحدة تصبح عليك ،تمنيت أني نكون بحذاك باه نقول هذ الكلمات و عيني فعينك، لكن للأسف البعد مخلانيش ، نتمنى تتنحى هاذ المسافة، و البعد يولي قرب و حنان واهتمام، انتهلالي في روحك يا مومو العين، من تشكيلة رسائل حب صباحية باللهجة الجزائرية.
رسالة حب صباحية باللهجة الجزائرية رقم 07 :
صباح الخير حياتي، كيفك، واش أخبارك، واش أحوالك، نتمنى تكون في أحسن الحالات، حبيت نقلك بلي حبك هو اللي ضوا حياتي، و عطاني الأمل بعدما كنت فقدتو في بزاف حوايج، علبلك بلي كل نهار حبي ليك يزيد، و كل نهار يقوى أكثر من اليوم اللي قبلو ،رغم المسافة اللي بيناتنا بصح نحس بلي راني قريبة منك بزاف، علبلك كل صباح نوض و أنا نخمم فيك، و نخمم فالنهار اللي يجمعني ربي بيك تحت سقف واحد، و نكون مرتك ،حلالك، تعك واحد في دارك، و نجيبو أولاد ثمرة حبنا و عشقنا، يخليك ليا يا أغلى ما في حياتي.
رسالة حب صباحية باللهجة الجزائرية رقم 08 :
حبيبي وسيم، صباحك فل ، صباحك لوز، صباحك قشطة و عسل يا روحي، صبحتك بالخير يا مومو العين، و قلبي شاعلة فيه نار العشق و الغرام و الهيام، نار الشوق ليك حبيبي، كل نهار نزيد نعشق فيك أكثر و أكثر ،و نزيد نتوحشك أكثر و أكثر ،نتمنى هذا المرة ميطولش غيابك، و تجي تقلي وجدي روحك للعرس، بويسك راني نخمم غير فالنهار اللي نلبسلك فيه لاروب بلانش، و نضربوها بشطحة قدام كامل لافامي ،ربي يكمللنا بالخير حبي و يتحققو أحلامنا كل.
رسالة حب صباحية باللهجة الجزائرية رقم 09 :
صباح العسل يا روحي ، كيفك نتمنى تكون في أفضل الأحوال، علبلك نضت الصبحة هذي ،و أنا فرحانة قد آش راني مزهرة كي صبتك، قد آش راني مزهرة كي طيحني ربي في ولد حلال، ولد فاميلة كيما نتا، راني متأكدة بلي راح نعيش معاك أسعد أيام حياتي، و راح نكون ملكة متربعة في عرش قلبك، صدقني راني فتحتلك قلبي اليوم، مانحب مال ، ما نحب ذهب، ما نحب قصور، نحب نكون معاك تخبيني داخل قلبك، و تقفل عليا للأبد، هكذا راح نكون أسعد إنسانة في الدنيا، ربي يحفظك ليا يا أغلى الغوالي، من مجموعة رسائل حب وشوق.
رسالة حب صباحية باللهجة الجزائرية رقم 10 :
صباح الخير حياتي، قبل ما تبدا نهارك، و قبل نا تنوض من فراشك، حبيتك تعرفك بلي راك حبيبي، و نصيبي، راك عمري و كبدتي، راك غلايا و منايا ، يا السبع نتاعي، يا اللي مدخل السعادة و السرور لحياتي، يا اللي مخليني أسعد مخلوقة على وجه الكرة الأرضية، حبيت نفكرك بلي راك خليت راجل موراك، روح تخدم و راسك مهني متكسرش راسك نهائيا، روح تخدم و راسك مرفوع ،لأني دايراتك بين عيني يا حبيبي، راني نمشي و نتخيل فيك تمشي قدامي، عليها مستحيل نغلط ،نحبك، نحبك، نحبك قد ما تتخيل، نحبك قد الدنيا هذي كامل وأكثر، ونتمنى نكون عند حسن ظنك و منخيبكش ،و نعوضك ولو بالقليل من واش راك تمدلي، من تشكيلة رسائل حب صباحية قصيرة .
رسالة حب صباحية باللهجة الجزائرية رقم 11 :
صباح السعادة لحبيبي و نور عيني ، نظن بلي راك مازلت متكي في فراشك، حبيبي رسلتلك هاذ الميساج باه نفكرك بلي كاين إنسان راك تعنيلو كلشي فهاذ الحياة ،و هاذ الانسان هو أنا زوجتك ،حبيبتك أم أبنائك ، أنا و أولادك مستحيل نقدرو نعيشو بلا بيك، و مستحيل نقدرو نديرو خطوة فهاذ الحياة بلا حضورك، حبيبي روح راك طولت الغياب ،و أنا قلبي يشتعل من الشوق و الاشتياق لك، على العموم حبيتك تعرف بلي راني سندك الغالي اللي تتكا عليه وقت الاحتياج، و في أي لحظة تحتاجني عمرك ما تتردد تتصل بيا، حبيبتك و زوجتك المخلصة ابتسام.
و هكذا تكونين قد انتهيتي من قراءة رسائل حب صباحية باللهجة الجزائرية للحبيب البعيد ستجعله يطير من السعادة ، و ستتفاجئين مع مرور الوقت كيف أن لهذه الرسائل الصباحية تأثيرا إيجابيا و طيبا على علاقتك مع حبيبك، فقط ننصحك بإرسالها دوما و عدم إهمال شريكك لكي لا يأتي يوم آخر و تشتكي إن زوجي يخونني كيف أتصرف، و لا تبخلونا بالتعليق و المشاركة لنقدم لكم المزيد، كما نقترح عليك مدونة منوعات أماني التي تحتوي على مواضيع متنوعة و مختلفة، و معلومات رائعة للمرأة و الرجل، و طرق في إنجاح العلاقة الزوجية بينهما
قد يهمك أيضا:
زوجي يغار بشكل جنوني، كيف أتعامل معه مع اهم علامات الغيرة الزائدة عند الرجل.